مش مجرد قصه _(يـوسف)_

دايما الحب صعب ولا ده مع معظمنا انا الى هاقوله قصه صغيرة بس هاسيبكوا تحكموا عليها انتوا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هو شخص عادى اوى كان بيعيش اليوم بيومه كان يعرف بنات كتير اوى وحطو خطوط كتير تحت اوى من حياته فى كل مكان جامعته مدرسته كنيسته ومن كل مكان هو تواجد فيه ومكانش بيفرق معاه حد منهم يعنى الى يزعل يزعل والى ميكلمهوش تانى براحته كل همه انه يعدى يومه . مكانش فى حد بيعرف يهزر او يضحك اكتر منه هو رقم 1 فى المكان الى فيه ونظرا لمعرفتى الشخصيه بيه ممكن اقول عليه طيب .
تخيلوا كل الكلام ده الى انا قلته ..............

الولد ده صحى فى يوم من الايام كان متدااااايق اوى اوى اوى وهو نفسه مش عارف السبب اتصل باعز اصحابه وقاله تعالى معايا ؟؟؟؟؟؟؟؟؟؟ ( مش لازم اقول المكان الى راحوه بس يعنى هو مكان اقرب لكنيسه)
راحوا هناك وفطروا وقعدوا يتكلموا مع بعض وكان فى بنت موجوده فى مكان قريب منهم بس مش باين معالم وشها فضلوا يتكلموا عادى ولا كأن فى حد موجود وكان فى بنات كتير فى المكان وشباب ومرة واحده وقع القلم من البنت دى الى كانت بتكتب بيه وقامت جابته وبدون قصد بصت بصه صغيرة على صاحبنا .

خلص الكلام منه ووقف بوقه عن الكلام و مش حس بنفسه اصلا وصاحبه بيكلمه وهو مش معاه خالص هوتقريبا مات عن العالم كله وكل البنات الى حواليه دى اختفت نهائى ومفضلش غير بنت واحده بس تقريبا انتوا كمان عرفينها ......................
ـــــــــ هقف هنا شوية ـــــــــــــــ
اللحظه الى شاف فيها البنت دى لقة فيها نظره دافيه جدا مشافهاش طول حياته من اى حد لقة ملاك موجود قصاده لقة ان الملايكه مش فى السما وبس لقة انه ممكن يكون له قيمه فى العالم ....
ــــــــــ نكمل ـــــــــــــــــــــــــــ

هو لاول مرة فى حياته خايف . طبعا لحسن ترفض تكلمه , بس هو برده لاول مرة قام صلى اطول فترة قضاها فى الصلاة كانت فى اليوم ده ورجعلها تانى راح كلمها بس هو وجد ان البنت دى مؤدبه جدا جدا جدا لدرجه انها مش بتكلم حتى اى شخص حتى لو فى الكنيسه بس هو قدر يقنعها بانه ياخد منها دقيقة وهى مش بتتكلم مجرد بتشاور براسها اه او لا ... المهم ... سمحت لصاحبنا بدقيقة علشان يتكلم ...................

الكلام كان خارج منه وهو بيترعش وخاااااايف اوى وده صدقونى كان لاول مرة فى حياته يخاف ومن مجرد كلمه هو هيقولها والكلمه دى كانت ـــــــ انتى بجد قمر ـــــ واتمنى انى اعرفك اكتر ولو مدايقك انا مستعد اسيب المكان حالا وامشى ــــــــــ هى مرضيتش عليه برده بس هو راح جاب زميلته وقعدها معاها وفضلوا يتكلموا وهى تقريبا شافت في عينيه الخوف وهدته شوية وحسسته انه عادى مع انه مكانش عاااااادى خالص ....

صاحبنا نسى صاحبه ونسى الدنيا وقعد يتكلم معاها عرف اسمها الى كان على قلبه اجمل اسم فى الدنيا وعرف عنها حاجات كتير مكانش يتخيل انه ممكن يعرفها ولو تقولو عليه انه مجنون كان نفسه يقولها من اول دقيقة اتكلم معاها الكلمة الى بتوصل الانسان لاجمل سمات الفرح (( انا بحبـــــــــك )) بس هو قال لنفسه ليه انا كدا هاكون تافه جدا واستنه لغايه اخر ما خلص الكلام ــــــــــــــــــــــــــــــــــــــــــــــــــــــــــ



كدا كفايه ده الجزء الاول من القصه واستنوا الجزء التانى بس قولولى رائيكوا لحد كدا

رائيكوا فى انسان حب بنت من نظرة واحده بس

بعد احترامى لصاحب القصة واحترامى لمرمر طبعا الحب ممكن يجى من اول نظرة بس وتانى حاجة والى انا كنت محتار فيها اننا ممكن نحب من غير نظارت او نظرة فعلا فى حب بل مشاعر وبل القلب الطيب فا الحب مر طلت بكل شيى فينا اقرب مثل العمى مش بيحبو لزم الحب يا جماعة ربنا معاكو ويعوضكو ازكرونى فى صلوتكو